Антуан Гризманн: "Атлетико" уйим эканлигини тушундим

Испаниянинг “Атлетико” клуби ҳужумчиси Антуан Гризманн нега "Барселона"га ўтмаганлигини маълум қилди. Бу ҳақда Canal+ телеканали хабар бермоқда.

- "Барселона" таклифини рад этиш қийин бўлди. Каталонияликлар мени харид қилишни жуда хоҳлашди. Тез-тез телефон қилишди ва хат ёзишди. "Атлетико"да кўп йиллар тўп тепдим ва жамоанинг муҳим ўйинчиси бўлганман. Жамоадошларим ва клуб раҳбарлари мени қолишимни исташди. Узоқ музокаралардан сўнг ойлигимни кўтаришди. "Атлетико" менинг уйим эканлигини ва бу ерни тарк этмаслигим кераклигини билдим, - деди футболчи.