Анзурнинг жамоасига европалик футболчи қўшилди
Ўзбекистон терма жамоаси футболчиси Анзур Исмоилов ўйнаётган Хитойнинг "Чанчунь Ятай" клуби яна бир европалик чарм тўп устасини ўз таркибига қўшиб олди.
Франкфуртнинг "Айнтрахт" жамоаси ярим ҳимоячиси Саболч Хусти фаолиятини яна Хитой Суперлигасида давом эттиришга қарор қилди. 33 ёшли футболчи 2016 йилнинг бошида "Чанчунь Ятай"дан Франкфурт жамоасига қўшилганди. Германиядаги бир йиллик фаолиятидан сўнг Хусти яна Хитойга йўл олди.
"Айнтрахт" бу футболчини собиқ жамоасига қайтаргани учун бир миллион евро миқдоридаги пулга эга бўлди. Хусти жорий мавсумда барча турнирларда 17 та учрашувда иккита гол урган эди.
Фикрлар