"Арсенал" Ляказетт учун "Лион"га қанча тўлаши маълум бўлди
“Лион” ҳужумчиси Александр Ляказетт фаолиятини Лондоннинг “Арсенал” клубида давом эттирадиган бўлди.
Томонлар 26 ёшли Франция терма жамоаси аъзосининг трансфери бўйича келишувга эришишга яқин туришибди. Téléfoot нашрининг маълум қилишича, “канонирлар” ушбу трансфер учун “Лион”га жами 53 млн евро тўлайди.
Тарқатилган хабарларга қараганда эртага Ляказетт “Арсенал” билан 5 йиллик шартнома имзолайди.
Эслатиб ўтамиз, Ляказетт якунланган мавсум Франция чемпионатида 30 учрашув ўтказиб, 28 та гол ва 3 та голли узатмага муаллифлик қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар