“Арсенал” икки футболчиси билан хайрлашмоқчи

“Арсенал” жамоаси ёзги трансфер мавсумида ҳужумчи Дэнни Уэлбек ва дарвозабон Давид Оспина билан хайрлашиши мумкин. Бу ҳақда The Telegraph хабар бермоқда.

Манбанинг маълум қилишича, “Арсенал” бош мураббийи Унаи Эмери янги футболчиларга 70 миллион евро сарфлаганидан кейин клуб раҳбарияти таркибдаги футболчилар сонини камайтиришни хоҳламоқда.

Эмери “Байер”дан Бернд Ленони харид қилганидан кейин Оспина хизматларига муҳтожлик сезмаяпти. Уэлбек асосий таркиб ўйинчиси бўлмагани учун ҳам унинг хизматларига эҳтиёж сезилмаяпти.  “Арсенал” таркибида 4 йилдан буён тўп сураётган ҳужумчи рақиблар дарвозасига атиги 27 та гол уришга муваффақ бўлди.