"Арсенал" қишда "Барселона" форвардини сотиб олмоқчи

Каталониянинг “Барселона” клуби ҳужумчиси Малком қишда жамоасини ўзгартириши мумкин.

Sky Sports нашри тарқатган хабарга кўра 21 ёшли бразилиялик футболчига Лондоннинг “Арсенал” клуби жиддий қизиқиш билдирмоқда. Таъкидлаш лозимки, Малком айни дамда “Барселона”да етарли ўйин амалиётига эга бўлмаяпти ва шу боис у ушбу трансферга розилик билдириши мумкин.

Эслатиб ўтамиз, Малком каталонияликлар сафига жорий ёз “Бордо”дан 41 млн евро эвазига келиб қўшилган эди.