“Атлетико” президенти: Гризманн кетадиган бўлса, бу ҳақда биринчи ўзим айтаман

Мадриднинг “Атлетико” клуби президенти Энрико Сересо жамоа мухлисларини ҳужумчиси Антуан Гризманнинг бошқа жамоага ўтиши борасидаги ҳар-хил ап-сўзларга ишонмасликка чақирди ва уларни бироз тинчлантирди.

“Антуан фантастик футболчи. Очиғини айтиш лозим, у бизнинг жамоамизда бахтли. Одатда бизнинг футболчиларимизни бошқа жамоага кетиши қийин, боиси, улар бу ерни жуда яхши кўришади.

Гризманн билан узоқ муддатли шартномамиз бор. Мободо у қаергадир кетадиган бўлса, бу ҳақда ўзим сизларга биринчи бўлиб айтаман. Ҳозирча унинг жамоамиздан кетишига ҳеч қандай асос йўқ”, - дейди Сересо Cadena Ser нашрига берган интервьюсида.

Эслатиб ўтамиз, айни дамда франциялик футболчи учун Англиянинг икки клуби – “Арсенал” ва “Манчестер Юнайтет” жиддий  кураш олиб бормоқда.