Азиз Ғаниевга нима қилди?

Қаршининг "Насаф" клуби бош мураббийи Рўзиқул Бердиев Pepsi Суперлигаси 18-туридан ўрин олган "Қўқон-1912"га қарши кечган ўйиндан сўнг ўтказилган матбуот анжуманида ярим ҳимоячи Азиз Ғаниев борасида ўз фикрларини билдириб ўтди.

"Азизжон Ғаниевни майдонга туширмаётганимизга асосий сабаб, уни жароҳатини янгилаб олишидан хавотирдамиз. У нафақат жамоамизга, балки терма жамоамизга ҳам керак. Oлдимизда терма жамоамизни Осиё ўйинлари кутиб турибди. Насиб этса, Ғаниевнинг ёрдами ҳали бизга кўп асқотади", - деб айтиб ўтди Бердиев.

Эслатиб ўтамиз, Ғаниев жамоасининг сўнгги 3 ўйинининг барчасини ўтказиб юборди.