Bachuayi Bundesligada Obameyangning ko‘rsatgichini takrorladi

Xabaringiz bor kecha Germaniya Bundesligasining 21-turida Dortmundning “Borussiya” klubi safarda “Kyoln” mehmoni bo‘ldi va 2:3 hisobida irodali g‘alabani qo‘lga kiritdi.

E’tiborlisi, shu kuni dortmundliklarning 2ta goliga jamoaga yaqindagina kelib qo‘shilgan Mishi Bachuayi mualliflik qildi. Gap shundaki, oxirgi marta Bundesligada debyut uchrashuvida dubl qayd etgan futbolchi bu Per-Emerik Obameyang bo‘lgan. U 2013 yil “Borussiya” safida Germaniya chempionatida debyut qilgan va ilk o‘yindayoq o‘z hisobiga 2ta gol yozdirib qo‘yishga erishgan.

Eslatib o‘tamiz, Obameyang "Arsenal"ga ketgach "Borussiya" uning o‘rniga aynan Bachuayini sotib olishgan edi.