Balotelli tezroq ozmoqchi

Frantsiyaning "Nitstsa" klubi forvardi Mario Balotelli mashg‘ulotlarga o‘ta jiddiy yondasha boshladi va bu ko‘pchilikni hayron qoldirmoqda.

Football Italia nashrining xabar berishicha 28 yoshli italiyalik futbolchi yana avvalgi optimal sport formasiga qaytish uchun qo‘shimcha shug‘ullana boshladi va buning uchun ertalabki mashg‘ulotlarga barchadan erta, ya’ni 7:30da kelmoqda.

Eslatib o‘tamiz, bundan avvalroq Balotelli tanasida ortiqcha vazn paydo bo‘lgani sabab “Nitstsa” o‘yinlaridan vaqtincha chetlatilgani haqida xabarlar tarqalgan edi.