"Барселона" бош менежери: Ҳозирча Вальверде билан шартнома узайтирилгани йўқ

Каталониянинг "Барселона" клуби бош менежери Пеп Сегура жамоа бош мураббийи Эрнесто Вальверденинг “Кам Ноу”даги келажак фаолияти борасида тўхталиб ўтди.

“Биз у билан ҳар куни гаплашамиз. Айтишим мумкинки, Эрнестодек профессионал билан яқин муносабатларда бўлсангиз, бу борада ҳеч қандай ташвишланишга ҳожат йўқ. Унинг шартномаси бор, биз ҳам, у ҳам хурсанд. Агар ҳамма нарса аввалгидек қолса, у ҳолда ҳеч нарса ўзгармайди. Лекин, ҳозирча у билан янги шартнома имзоланганича йўқ”, - дейди Сегура.

Маълумот учун, Вальверде “Барса”ни 2017 йилнинг ёзида қабул қилиб олган эди. Унинг амалдаги шартномаси эса 2019 йилнинг ёзида ўз ниҳоясига етади.