"Барселона" раҳбарияти Вальверде билан шартномани узайтирмоқчи

Каталониянинг "Барселона" клуби раҳбарияти жамоа бош мураббийи Эрнесто Вальверде билан ҳамкорликни давом эттирмоқчи.

Marca нашри тарқатган хабарга кўра “кўк-анор ранглилар” тез орада 54 ёшли мутахассис билан амалдаги шартномани узайтириш бўйича музокараларни бошламоқчи.

Эслатиб ўтамиз, Вальверде “Барселона”ни 2017 йилдан буён бошқариб келмоқда. Ўтган давр мобайнида жамоа унинг қўл остида Испания Ла Лигаси ва кубогида зафар қучди. Шунингдек, мамлакат Суперкубогини ҳам қўлга киритди. Улар айни дамда чемпионатда ҳам Чемпионлар лигасида ҳам етакчилик қилишмоқда.