"Барселона" раҳбарияти Вальверденинг илтимосини рад этгани маълум бўлди

Каталониянинг "Барселона" клуби раҳбарияти жамоа бош мураббийи Эрнесто Вальверденинг трансфер сўровини рад этгани маълум бўлди.

Football Espana нашри тарқатган хабарга кўра 54 ёшли мутахассис раҳбариятдан яқиндагина “Эвертон”га сотиб юборилган ҳимоячи Люка Динни "Камп Ноу"да олиб қолишни илтимос қилган. Бироқ, улар Вальверденинг ушбу сўровини рад этишиб, унга кўпроқ ёшлар жамоасига эътибор қаратишни айтишган.