"Barselona" skautlari A Seriya yulduzini kuzatishmoqda

Kataloniyaning "Barselona" klubi "Latsio" xavbeki Sergey Milinkovich-Savich bilan bog‘liq vaziyatni sinchkovlik bilan kuzatmoqda. Bu haqda sport.es nashri xabar bermoqda.

Yuqoridagi manbaaga ko‘ra “ko‘k-anor ranglilar” skautlari 23 yoshli serbiyalik futbolchini kecha A Seriyaning “Parma”ga qarshi bo‘lib o‘tgan bahsida bevosita stadiondan turib kuzatishgan.

Ma’lumot uchun, Milinkovich-Savichga shuningdek “Manchester Yunayted” ham jiddiy qiziqish bildirmoqda. U joriy mavsum “Latsio” safida jami 10ta o‘yinda maydonga tushib, o‘z hisobiga 1 gol hamda 1ta golli uzatma yozdirib qo‘yishga erishgan.