"Barselona"ning asosiy futbolchisi "Atletiko"ga qarshi bahsni o‘tkazib yuboradi

Kataloniyaning "Barselona" klubi yarim himoyachisi Ivan Rakitich La Liganing 13- turida "Atletiko"ga qarshi o‘yinni o‘tkazib yuboradi.

Ta’kidlash kerakki, 30 yoshli xorvatiyalik futbolchi kecha “Betis”ga (3:4) qarshi bo‘lib o‘tgan o‘yinda hakam tomonidan qizil kartochka ko‘rsatilib maydondan chetlatildi va shu sababli bitta o‘yinga diskvalifikatsiya qilinadi.

Eslatib o‘tamiz, "Atletiko" - "Barselona" uchrashuvi 24 noyabr kuni bo‘lib o‘tadi.

Ma’lumot uchun, Rakitich joriy mavsum “Barselona” safida jami 17ta o‘yinda ishtirok etdi va o‘z hisobiga 3ta gol hamda 3ta golli uzatma yozdirib qo‘yishga erishdi.