"Бавария" етакчилари бош мураббийга қарши чиқишмоқда ва уни жиддий қабул қилишмаяпти

Мюнхеннинг “Бавария” клуби етакчилари жамоа бош мураббийи Нико Ковачга қарши чиқишмоқда.

Kicker нашри тарқатган хабарга қараганда Томас Мюллйер, Матс Хуммельс, Арьен Роббен ва Франк Рибери каби футболчилар ўзаро хорватиялик мутахассисга қарши гуруҳ шакллантиришган. Гап шундаки, “Бавария”нинг тажрибали футболчилари 47 ёшли мураббийнинг катта маҳоратга эга эканлигига шубҳа қилишмоқда ва шу боис уни шунчаки дўст сифатида қабул қилишмоқда.

Қайд этиш лозимки, ушбу футболчилар Ковач қўл остида асосан захирада қолиб кетишмоқда.