Тезкор! Портлашлардан кейин Роналду ҳам Саудиядан қочди

“Ан-Наср” ҳужумчиси Криштиану Роналдунинг қиймати 61 миллион фунт стерлинг бўлган хусусий самолёти тунги пайт Саудия Арабистонини тарк этди.

- Бу ҳолат можаро кескинлашган шароитда футболчи мамлакатни шошилинч равишда тарк этган бўлиши мумкин, деган миш-мишларга сабаб бўлди, - деб ёзади Daily Mail нашри журналистлари.

Роналду Эр-Риёд шаҳрида севгилиси Жоржина Родригес ва беш нафар фарзанди билан яшайди. Шаҳар Эрон дронлари ҳужумига учради, ҳужумлар эса тўртинчи кун давом этмоқда.

Тунда дронлар Саудия Арабистони пойтахтидаги АҚШ элчихонасига зарба берди.

Хорижий фуқаролар Яқин Шарқни оммавий равишда тарк этмоқда, Роналдунинг самолёти Мадридга учгани ҳақидаги маълумотлар эса интернетда пайдо бўлди.

Парвозларни кузатиш хизмати маълумотларига кўра, Bombardier Global Express самолёти Испания пойтахтигача қарийб етти соат парвоз қилган.

Кейинчалик The Sun нашри журналистлари Криштиану Роналду ўз оиласи билан шахсий самолётида Саудия Арабистонидан кетганини аниқлагани ҳақида маълумотлар чиқарилди. 

2024 йили Криштиан Роналду 2015 йилда 16 миллион фунт стерлингга сотиб олиган Gulfstream G200 русумли самолётини сотиб юборди ва 61 миллион фунт стерлингга янги Bombardier Global Express 6500 самолётини харид қилди.

Самолёт тўлиқ қора рангда бўлиб, 15 нафар йўловчига мўлжалланган. Унинг дизайнида Роналдунинг логотипи ва ўзига хос усулда голни нишонлаётган силуэти тасвирланган.