“Бавария” ҳар қандай ҳолатда ҳам Хамесни қўйиб юбормайди

Мюнхеннинг “Бавария” клуби ҳуқуқий жиҳатдан “Реал”га тегишли бўлган, аммо мавсумни ижара асосида “Альянц-Арена”да ўтказиши шарт бўлган ярим ҳимоячи Хамес Родригеснинг келажаги борасида бир қарорга келди.

SportBild нашри тарқатган хабарга кўра немис гранди 27 ёшли колумбиялик футболчининг ижара шартномаси бўйича ўз ҳуқуқларидан фойдаланиб уни “қироллик клуби”га қўйиб юбормоқчи эмас. Мободо Хамеснинг ўзи “Реал”га кетиш истагини билдирса, “Бавария” уни шартнома шартларига риоя қилмаганликда айблайдию

Эслатиб ўтамиз, “Бавария” Хамесни “Реал”дан 2 мавсумга ижарага олган. Шу боис футболчи янги мавсумни ҳам Бундеслигада ўтказишга мажбур.