"Бавария" президенти Нико Ковачнинг жамоадаги келажаги борасида гапирди

Мюнхеннинг "Бавария" клуби президенти Ули Хёнесс бош мураббий Нико Ковачнинг жамоадаги келажаги борасида гапириб ўтди.

Таъкидлаш керакки, хорватиялик мутахассис бошчилигидаги жамоа жорий мавсум чемпионатни жуда қониқарсиз бошлади ва шу боис айрим нашрлар унинг истеъфога чиқарилиши ҳақида хабарлар тарқата бошлашган эди.

“Жамоамиз ҳозир жуда яхши ҳолатда. Ковачнинг истеъфога чиқарилиши ҳақида эса гап-сўз бўлиши мумкин эмас”, - дейди Хёнесс.

Эслатиб ўтамиз, “Бавария” Бундеслиганинг ўтган 11та туридан сўнг 20 очко тўплади ва мусобақа жадвалида ҳозирча 3-ўринда бормоқда. Агар “РБ Лейпциг” ва “Айнтрахт” бугун ғалаба қозонча, мюнхенликлар 5-поғонага тушиб кетишлари мумкин.