Бахтиёр Ашурматов: АГМК бу билан тўхтаб қолмайди

 Ўйиндан сўнг АГМК бош мураббийи Бахтиёр Ашурматов ва учрашувнинг энг яхши футболчиси Жасур Хасановлар матбуот анжуманида қатнашди. Бу ҳақда Жиззак клуби матбуот хизмати хабар бермоқда.

"Авваламбор, бизни қўллаб-қувватлаш учун келган мухлисларимизга катта рахмат. Ўйин қийин ўтишини билардик. “Сўғдиёна” иккинчи даврада легионерлар билан таркибни кучайтирди. Жиззахда ҳар бир жамоа қийин ўйин ўтказади. Ўйинни қийин бошладик,рақиблар тўп назоратини ўз қўлига олди ва дастлабки 20 дақиқа уларнинг устунлигида ўтди. Биринчи гол барчасини ўзгартириб юборди. Устунлик биз томонда ўтди, ўйлаган режаларимиз амалга ошиб,ғалабани қўлга киритдик. Йигитларга ғалаба учун миннатдорчилик билдираман. АГМК жамоаси бу ўйин билан тўхтаб қолмайди ва биз охиригача курашамиз", - дейди Ашурматов

"Бугунги ўйин томошабоп ўтди. Мақсадимиз ғалаба қозониш эди ва биз буни уддаладик. Кейинги ўйинларда ҳам ғалаба қозониб,олмалиқлик мухлисларни хурсанд қилишга ҳаракат қиламиз", - дейди Жасур Хасанов