Бельерин ўзининг "Манчестер Юнайтед"га ўтиши борасидаги хабарларга муносабат билдирди

Лондоннинг "Арсенал" клуби ҳимоячиси Эктор Бельерин ўзининг "Манчестер Юнайтед"га кўчиб ўтиши мумкинлиги ҳақида тарқалган хабарларга нисбатан муносабат билдирди.

“Одамлар ҳар доим менга бу саволни беришади – бу аҳмоқлик. Бир неча йил олдин мен “Арсенал” билан кўп йиллик шартнома имзолаганман. Бундан ташқари мен ҳеч қачон бошқа жамоада ўйнаш истагим борлиги ҳақида айтмаганман”, - дейди испаниялик футболчи.

Маълумот учун, асли "Барселона" тарбияланувчиси ҳисобланган Бельерин "Арсенал" сафида 2013 йилдан буён тўп суриб келмоқда.