Бензема "Милан" билан музокаралар ўтказаётганини инкор этди

Мадриднинг “Реал” клуби ҳужумчиси ўзининг “Милан” билан музокаралар олиб бораётгани ҳақидаги хабарларни инкор этди.

“Ёлғонлар давом этади. Алдоқчилар. Йигитлар, бас қилинглар!”, - деб ёзади франциялик футболчи ўзининг Инстаграмдаги саҳифасида.

Эслатиб ўтамиз, бундан аввалроқ "қироллик клуби"нинг янги устози Хулен Лопетеги янги мавсумда Бенземанинг хизматларига таянмоқчи эканлиги ҳақида хабарлар тарқалган эди.