Биласизми? Алиссон Буффоннинг 17 йиллик рекордини йўққа чиқарди

Хабарингиз бор, кеча “Рома” посбони Алиссон Бекер 72,5 млн евро эвазига “Ливерпул”га кўчиб ўтди ва дунёнинг энг қиммат дарвозабонига айланди.

Таъкидлаш керакки, бунгача бўлган рекорд афсонавий Жанлуижи Буффонга тегишли эди. Айнан у 2001 йил “Парма”дан “Ювентус”га нақд 52 миллион еврога кўчиб ўтган.

Агар ушбу рақамларни фунтда оладиган бўлсак, у ҳолда Алиссондан аввалги рекорд “Манчестер Сити” посбони Эдерсон Мораесга тегишли эди. “Шаҳарликлар” бразилиялик дарвозабон учун “Порту”га 34,7 млн фунт тўлашган эди.

Таққослаш учун, Алиссоннинг трансфери эса “Ливерпул”га 64,86 млн фунтга тушди.