Bilasizmi? Golovin Rossiya tarixidagi eng qimmat futbolchiga aylandi

Avval xabar berganimizdek bugun TsSKA yarim himoyachisi Aleksandr Golovin “Monako” bilan 5 yillik shartnoma imzoladi.

E’tiborlisi, monakoliklar 22 yoshli rossiyalik futbolchi uchun “armiyachilar”ga naqd 30 mln evro to‘lashgani aytilmoqda. Shundan kelib chiqib aytish mumkinki Golovin Rossiya futboli tarixidagi eng qimmat futbolchiga aylandi.

Ma’lumot uchun, bu boradagi avvalgi rekord himoyachi Yuriy Jirkovga tegishli edi. U 2009 yil TsSKAdan “Chelsi”ga 21 mln evroga transfer qilingan edi.

Rossiya tarixidagi eng qimmat transferlar:

Marat Izmaylov (2008) – «Lokomotiv»dan «Sporting» ga 4,5 mln evro

Pavel Pogrebnyak (2009) – «Zenit»dan «Shtutgart»ga 4,8 mln

Aleksandr Kerjakov (2006) – «Zenit»dan «Sevilya»ga 5 mln

Dmitriy Alenichev (1998) – «Spartak»dan «Roma»ga 7 mln

Diniyar Bilyaletdinov (2009) – «Lokomotiv»dan «Everton»ga 10 mln

Andrey Arshavin (2009) – «Zenit»dan «Arsenal»ga 16,5 mln

Roman Pavlyuchenko (2008) – «Spartak»dan «Tottenxem»ga 17,4 mln

Yuriy Jirkov (2009) – TsSKAdan «Chelsi»ga 21 mln

Aleksandr Golovin (2018) – TsSKAdan «Monako»ga 30 mln