Биласизми? "Манчестер Сити" жорий мавсум АПЛда иштирок этаётган барча жамоаларни мағлубиятга учратди

Хабарингиз бор кеча Англия премьер-лигасининг 32-турида "Манчестер Сити" сафарда "Эвертон"ни 3:1 ҳисобида таслим қилди.

Эътиборлиси, Хосеп Гвардиола бошчилигидаги жамоа жорий мавсум АПЛда иштирок этаётган барча 19та жамоани мағлубиятга учратишга эришди. Шу тариқа “Манчестер Сити” премьер-лига тарихида бир мавсумда барча иштирокчи жамоаларни енган 3-клуб бўлди.

Эслатиб ўтиш лозимки, бундан аввал ушбу натижани фақатгина "Челси" (2005/06) ҳамда "Манчестер Юнайтед" (2010/11) жамоалари қайд этишган эди.