Биласизми? Погба ЖЧ финалларида гол урган илк МЮ футболчиси бўлди

Барчамизга маълум бундан бироз аввал Москвадаги “Лужники” стадионида футбол бўйича XXI жаҳон чемпионати ўз якунига етди. Унда Франция Хорватияни 4:2 ҳисобида таслим этиб ўз тарихидаги иккинчи чемпонликни қўлга киритди.

Франция терма жамоасининг ғалабасини таъминлаган учрашувдаги голларнинг бирига “Манчестер Юнайтед” ярим ҳимоячиси Поль Погба муаллифлик қилди. Эътиборлиси, айнан Погба жаҳон чемпионатлари финалларида гол урган МЮнинг илк футболчиси бўлиб тарихга кирди.