Bilasizmi? "Qo‘qon-1912" va "Qizilqum" bu mavsum beshinchi bor to‘qnash keladi

"Qo‘qon-1912" matbuot xizmati mazkur bellashuv prevyusini  taqdim etdi. 

16-uchrashuv arafasida

Shu kunga qadar bu jamoalar O‘zbekiston chempionatlari doirasida 15 marta to‘qnash kelishgan. O‘yinlarning to‘rttasida qo‘qonliklar g‘alaba qozonishgan. 10 bahsda navoiyliklarning qo‘li baland kelgan. Bitta uchrashuvda esa durang natija qayd etilgan.

To‘plar nisbati 30-14 “Qizilqum” foydasiga. O‘zaro o‘yinlarda "Qo‘qon-1912" 13 ochkoni qo‘lga kiritgan. "Qizilqum"ning bu boradagi ko‘rsatkichi 31 ochkoni tashkil etadi.

Qo‘qonda bo‘lib o‘tgan uchrashuvlar

26.05.2018

Qo‘qon-1912 – Qizilqum – 0:1

18.03.2017

Qo‘qon-1912 – Qizilqum – 1:0

24.04.2016

Qo‘qon-1912 – Qizilqum – 0:3

25.09.2015

Qo‘qon-1912 – Qizilqum – 1:0

19.04.2003

Qo‘qon-1912 – Qizilqum – 1:3

30.11.2002

Qo‘qon-1912 – Qizilqum – 2:1

02.11.2000

Temiryo‘lchi – Qizilqum – 1:3

Mavsumdagi beshinchi uchrashuv

Joriy mavsumda ushbu jamoalar to‘rt bor to‘qnash kelishgan. Uch marta Pepsi Superliga doirasida bir marta O‘zbekiston kubogi chorak finalida. Chempionatdagi o‘yinlarning bittasida qo‘qonliklar g‘alaba qozongan bo‘lsa, ikkita o‘yinda Hamidjon Aktamov jamoasining g‘alabasi bilan tugagan.

O‘zbekiston Kubogi chorak finalida esa qo‘qonliklar 2:0 hisobida zafar quchishgan.