Биласизми? Сардор Рашидов шартнома имзолаган жамоада Криштиану Роналду ҳам ўйнаган

Хабарингиз бор бугун Ўзбекистон миллий терма жамоаси ҳужумчиси Сардор Рашидов Португалиянинг “Насьонал” клуби билан шартнома имзолади.

Ушбу жамоа Португалия гранди бўлмагани учун кўпчиликка яхши таниш бўлмаслиги мумкин. Аммо, Мадейра оролидаги ушбу клуб дунё футболига Криштиану Роналдудек юлдузни тарбиялаб чиқарганини ҳамма ҳам билмайди. Аниқроғи, Роналду 1995-1997 йилларда “Насьонал” клубининг ёшлар жамоасида тўп сурган.

Маълумот учун, “Насьонал” айни дамда Португалия чемпионатида 17та турдан сўнг 19 очко билан 12-ўринда бормоқда.