Биласизми? Хорватия ЖЧ финалига чиққан ФИФА рейтингидаги энг паст терма жамоа бўлди

Хабарингиз бор кеча “Лужники”да ЖЧ-2018нинг ярим финалида Хорватия Англия (2:1) устидан иродали ғалабани қўлга киритиб, мусобақанинг финалига йўланмани қўлга киритди.

Қизиғи, хорватияликлар жаҳон чемпионатлари тарихида ФИФАнинг терма жамоалар рейтингида энг паст кўрсатгичга эга бўлган илк финалчига айланишди. Таъкидлаш керакки, мундиал бошланишидан аввал Златко Далич шогирдлари ушбу рейтингда бор йўғи 20-ўринни эгаллаб туришган эди.

Эслатиб ўтамиз, Хорватиянинг финалдаги рақиби Франция терма жамоаси эса айни дамда ФИФА рейтингида 7-поғонада бормоқда.

Маълумот учун, терма жамоалар рейтинги 1992 йилдан буён ФИФА томонидан тузиб чиқилади.