Boks bo‘yicha erkaklar va ayollar o‘rtasidagi JCh-2019 turnirlariga Rossiya shaharlari mezbonlik qiladi

Boks bo‘yicha ayollar o‘rtasidagi 2019 yilgi jahon chempionati Rossiyaning Ulan-Ude shahrida o‘tkaziladi, deya xabar bermoqda TASS nashri Rossiya boks federatsiya ma’lumotiga tayanib.

Manbada yozilishicha, bu haqda AIBA ijroiya qo‘mitasi qaror qabul qilgan.

– Rossiya boks bo‘yicha ayollar o‘rtasidagi jahon chempionati o‘tkazish huquqini qo‘lga kiritganidan juda xursandman. Buryatiya musobaqani yuqori darajada o‘tkazishiga ishonchim komil, – deydi Rossiya boks federatsiyasi bosh kotibi Umar Kremlev.

Eslatib o‘tamiz, boks erkaklar o‘rtasidagi navbatdagi jahon chempionati ham Rossiyada bo‘lib o‘tadi. Mazkur turnir mezbonligini Sochi shahri yutib olgan edi.