Болалар ва ўсмирлар футбол академияларининг диетологлари учун семинар бошланди

Ўзбекистон Республикаси Президентининг 2018 йил 16 мартдаги «Футболни янада ривожлантириш чора-тадбирлари тўғрисида»ги ПҚ–3610-сонли қарорига асосан юртимизда ташкил қилинган 14та Ҳудудий болалар ва ўсмирлар футбол академияларда таълим олаётган футболчиларнинг сифатли таълим олишлари, уларга керакли барча шарт-шароитларни яратиб бериш мақсадида Ўзбекистон футбол ассоциацияси томонидан бир қатор чора тадбирлар амалга оширилаётганидан футбол мухлисларининг хабарлари бор.

 

Хусусан, ёш футболчиларнинг тўғри овқатланишларини ташкил қилиш мақсадида академияларда  врач-диетологлар фаолият олиб бориб, бугунги кунда улар болалар учун тайёрланаётган таомларни назорат қилиб боришаётгани ҳақида хабар берган эдик. 

 

Академияларда фаолият олиб бораётган врач-диетологларнинг малакасини ошириш мақсадида пойтахтимиздаги “Миллий” стадионида ўқув-семинар курслари ташкил этилиб,  бугун 29 октябрь куни ушбу семинарга старт берилди. Семинарни малакали диетолог Нуриддин Отабоев олиб бормоқда.

 

Семинар 2 кун давом этиб, 30 октябрь куни ниҳоясига етади.