Бонуччи "Реал" таклифини рад қилганини тан олди

“Ювентус” ҳимоячиси Леонардо Бонуччи “А” сериядаги рақобат ва “Милан”дан Турин клубига қайтиши олдидан “Реал” таклифини рад этганлиги ҳақида гапириб ўтди.

– Етти йил кетма-кет скудетто ва ҳозир “Наполи” билан орадаги фарқ 13 очко? Буларнинг барчаси шунчаки эмас. Италия футболи даражаси ўсди. Шундай вақтлар бўлганки, “Ювентус” бошқалардан жуда ўзиб кетган. Биз “Наполи”, “Интер” ва “Милан”га қарши ўйнаймиз ва бу жамоаларни муаммосиз ютамиз деб ҳисоблардик, бироқ ҳозир ундай эмас.

– “Реал” таклифини рад қилганим тўғрими? Ҳа, шундай. “Реал” менга қизиқиш билдирган ва улар учун бу трансфер оламида ажойиб натижа ва ғурур бўларди, – дея ҳимоячининг сўзларини келтиради AS нашри.

Бонуччи “Ювентус” сафида 2010-2017 йиллар тўп сурган, кейин 40 млн евро  эвзига “Милан”га ўтган. 31 ёшли футболчининг туринликларга қайтиши 2018 йил ёзида бўлиб, унинг учун “кекса синьора” 35 млн тўлаган.