"Бордо"ни яна бир етакчи тарк этиши мумкин

Франциянинг "Бордо" клуби ҳимоячиси Юссуф Сабали фаолиятини "Наполи"да давом эттиришга жуда яқин турибди.

L’Еquipe нашрининг хабар беришича иккала клуб ҳам 25 ёшли сенегаллик футболчининг трансфери бўйича келишувга эришиб бўлишган. Энди неаполликлар ушбу трансферни якунлаш учун футболчининг ўзи билан келишувга эришишса бас.

Маълумот учун, Сабали ўтган мавсум “Бордо” сафида жами 39та учрашувда иштирок этган ва ўз ҳисобига 6та голли узатма ёздириб қўйишга эришган.

Эслатиб ўтамиз, бундан аввалроқ “Бордо”нинг бошқа бир етакчиси – Малком “Барселона” сафига кўчиб ўтган эди.