"Боруссия" Дортмунд Алькасернинг трансферини якшанба куни эълон қилади

Дортмунднинг “Боруссия” клуби тез орада “Барселона” ҳужумчиси Пако Алькасернинг трансферини тўлиқ сотиб олганини расман эълон қилади.

Bild нашри тарқатган хабарга кўра немис гранди испаниялик футболчи учун каталонияликларга 23 млн евро ва унга қўшимча яна 5 млн евро тўлайди ҳамда Алькасер билан 2023 йилга қадар шартнома имзолайди.

Берилган маълумотларга қараганда “Боруссия” Алькасерни сотиб олгани ҳақида 25 ноябрь куни, яъни директорлар кенгаши йиғилишидан сўнг эълон қилади.

Эслатиб ўтамиз, Алькасер ҳозирча “Боруссия”да ижара асосида тўп сурмоқда. У жорий мавсум Бундеслигада 8та ўйинда майдонга тушди ва ўз ҳисобига 6та гол ёздириб қўйишга эришди.