Бразилия терма жамоаси футболчиси жароҳат олди
Италиянинг “Интер” ва Бразилия терма жамоаси ҳимоячиси Жоао Миранда терма жамоа лагерини тарк этди. Бразилия терма жамоаси кеча ЖЧ-2018 саралаш босқичи доирасида Эквадордан 2:0 ҳисобида устун келди.
“Пентакампеонлар” устози Тите 32 ёшли футболчини танаффусда алмаштирган эди. Хабарларга кўра, Миранда бошидан жароҳат олган.
“Миранда мувозанатни йўқотмади. Бироқ ҳеч нимани тушунмади ва эслолмади. У ўша вақтдаги ҳисобни ва ўйиндаги ҳолатларни эслай олмади”, – деб айтиб ўтди Бразилия терма жамоаси шифокори Родриго Ласмар.
Миранда “Интер”га қайтади ва у ерда тиббий кўрикдан ўтади. Шундай қилиб, Миранда терма жамоасининг Колумбияга қарши кечадиган баҳсида ёрдам бера олмайдиган бўлди.
Фикрлар