Буффон: Мбаппе “Олтин тўп”га муносиб

ПСЖ жамоаси дарвозабони Жанлуижи Буффоннинг фикрича, унинг клубдоши Килиан Мбаппе “Олтин тўп” мукофотини қўлга киритишга муносиб.

“Килианнинг техникасини ҳамда Жаҳон чемпионатида кўрсатган ўйинларини инобатга олсак, у “Олтин тўп” совринига муносиб. Бунга ҳеч қандай шубҳа йўқ. Италияда Мбаппени Роберто Бажжио, Алессандро Дель Пьеро ва Франческо Тоттига ўхтатишади.

Менинг фикримча, унда ўзгача қобилият бор, аввал буни ҳеч қайси футболчида кўрмаганман. Килиан – феноменал футболчи. Агар у ўз устида ишлашда давом этса, узоқ вақт мобайнида юқори чўққиларда қолади”, – деди италиялик посбон.