Буффон собиқ жамоадошининг ўғли билан футболка алмашди (ФОТО)

ПСЖ дарвозабони Жанлуижи Буффон кеча чемпионатнинг "Генгам"га (3:1) қарши баҳсидан сўнг рақиб жамоа аъзоси Маркус Тюрам билан эсдалик учун футболка алмашди.

Эътиборлиси, 21 ёшли Маркус бир вақтлар Буффон билан бирга “Ювентус”да тўп сурган Лилиан Тюрамнинг ўғли ҳисобланади.

Эслатиб ўтамиз, 40 ёшли Буффон ПСЖ сафига жорий ёз эркин агент сифатида келиб қўшилган ва клуб билан 2 йиллик шартнома имзолаган эди.