Bugun “Atletiko”ga qarshi Buskets asosiyda, Inesta esa zahiradan maydonga tushishi kutilmoqda

Avval xabar berganimizdek Kataloniyaning “Barselona” klubi etakchi futbolchilari Andreas Inesta va Serxio Busketslar bugun Madridning “Atletiko” jamoasiga qarshi bo‘lib o‘tadigan Ispaniya kubogi yarim final javob uchrashuvida maydonga tushishlari mumkin.

Ispaniyaning Sport nashri tarqatgan xabarlarga ko‘ra Buskets bugungi o‘yinni boshlang‘ich tarkibda boshlashi mumkin, Inesta esa uchrashuvga zahiradan qo‘shilishi kutilmoqda.

Eslatib o‘tamiz, “Barselona” va “Atletiko” jamoalari” o‘rtasidagi bahs bugun “Kamp Nou” stadionida Toshkent vaqti bilan 01:00da start oladi.