Бугун Евро-2024 мезбони эълон қилинади. Даъвогарлар: Германия ва Туркия

Бугун УЕФА ижроқўми 2024 йилги Европа чемпионати мусобақасига мезбонлик қилувчи мамлакат номини эълон қилади.

Даъвогарлар орасида Германия ва Туркия бор. Таъкидлаш керакки, немислар бунгача ўз майдонларида 3та йирик футбол мусобақасига мезбонлик қилишган. 2та жаҳон чемпионати ва 1та Европа чемпионати шулар жумласидандир. Бироқ, турклар бу борада мақтана олишмайди.

Берилган маълумотларга қараганда Евро-2024 мезбони бугун Тошкент вақти билан соат 18:00 атрофида эълон қилинади.