Флик "Барса" таркибидан бир футболчини чиқариб ташлади

«Барселона» Ла Лига доирасида сафарда «Эльче» жамоасига қарши майдонга тушади. Клуб ушбу ўйин учун расмий таркиб рўйхатини эълон қилди, унда ҳимоячи Алехандро Бальде номи кўринмади.

Журналист Херард Ромеро ижтимоий тармоқларда ёзишича, Бальде сафарга чиқишга тайёр бўлган, бироқ бош мураббий Ханс-Дитер Флик ўйин арафасида унга рўйхатга киритилмаслигини маълум қилган. 

Бу немис мутахассисининг шахсий қароридир.

Аввалроқ матбуотда 22 ёшли Бальде ёзги трансфер ойнаси ёпилгунча «Барселона»ни тарк этишни режалаштираётгани ҳақида хабарлар пайдо бўлган эди. 

Transfermarkt портали футболчининг бозор қийматини 50 миллион евро атрофида баҳоламоқда.