Бугун ёшлар ва ўсмирлар ўртасида қиличбозлик бўйича мамлакат чемпионати бошланади
Ads

Бугун, 21 февраль куни пойтахтимизда «Пахтакор» стадионининг қиличбозлик залида ёшлар ва ўсмирлар ўртасида Ўзбекистон чемпионати бошланади. Бу ҳақда Миллий олимпия қўмитаси расмий сайти хабар бермоқда.

Баҳсларда Республикамизнинг турли ҳудудларидан ташриф буюрган ёш қиличбозлар совринли ўринлар учун кураш олиб борадилар. 26 февралга қадар давом этадиган мусобақада 200 нафарга яқин спортчи ўз омадини синаб кўради.

Чемпионат тақвимини эътиборингизга ҳавола қиламиз:

21 февраль – шпага (ўғил болалар), шпага (қизлар) – яккалик
22 февраль – шпага (ўғил болалар), шпага (қизлар) – жамоавий
23 февраль – рапира (ўғил болалар), рапира (қизлар) – яккалик
24 февраль – рапира (ўғил болалар), рапира (қизлар) – жамоавий
25 февраль – сабля (ўғил болалар), сабля (қизлар) – яккалик
26 февраль – сабля (ўғил болалар), сабля (қизлар) – жамоавий.