"Бухоро" стадионида таъмирлаш ишлари олиб борилмоқда (фото)

2019 йилги мавсумда Суперлига, Про-лига, U-21 биринчилиги, аёллар чемпионати учрашувлари бўлиб ўтадиган стадионларни талаб даражасига етказиш мақсадида Бухоро вилояти ҳокимлиги бошчлигида "Бухоро" спорт мажмуасида қайта таъмирлаш ишлари бошлаб юборилди. Бу ҳақда клуб матбуот хизмати хабар бермоқда.

Авваламбор майдон ҳолатини яхшилашга алоҳида эътибор қаратилади. Режага кўра майдонни текислаш, суғориш тизимларини яхшилаш, қўшимча майса уруғи қадаш ва трибуна ўриндиқларини алмаштириш ишлари олиб борилади. 

Шунингдек Ёшлар лигаси ҳамда аёллар чемпионати учрашувлари бўлиб ўтадиган "Умид" ўйингоҳида ҳам таъмирлаш ишлари олиб борилмоқда.