"Челси" Азарнинг нархини эълон қилди

Лондоннинг "Челси" клуби раҳбарияти жамоа вингер Эден Азарнинг трансфер нархини эълон қилди.

Football Espana нашри тарқатган хабарга кўра “аристократлар” 27 ёшли бельгиялик етакчисини фақатгина 150 миллион евродан кам бўлмаган маблағ таклиф қилган жамоагагина сотишлари мумкин.

Эслатиб ўтамиз, ўтган ёз Азарга Мадриднинг “Реал” клубидан жиддий қизиқишлар бўлгани, бироқ якунда “Челси” уни қўйиб юбормаган эди.

Маълумот учун, Азар жорий мавсум лондонликлар сафида жами 8та ўйинда майдонга тушди ва ўз ҳисобига 7та гол ҳамда 2та голли узатма ёздириб қўйишга эришган.