"Челси" Моратани трансферга қўйиши мумкин

Лондоннинг "Челси" клуби ўзининг испаниялик ҳужумчиси Альваро Мората билан хайрлашиши мумкин.

The Sun нашри тарқатган хабарга кўра “аристократлар” сўнгги пайтларда деярли гол уришни унутиб қўйган футболчини трансферга қўйиш ҳақида ўйлашмоқда.

Эслатиб ўтамиз, “Челси” 25 ёшли футболчини 2017 йил “Реал”дан 66 миллион еврога харид қилган эди. У жорий мавсум премьер-лигада жами 7та ўйинда майдонга тушган ва ўз ҳисобига 2та гол ёздириб қўйишга эришган.