"Челси" президенти: Азарни сақлаб қолиш учун қўлимиздан келган барча ишни қиламиз

Лондоннинг "Челси"клуби президенти Брюс Бак жамоа етакчиси Эден Азарнинг жамоадаги келажаги борасида гапириб ўтди.

“Мухлислар Азарни жуда яхши кўришади. У нафақат буюк футболчи, шу билан бир қаторда яхши инсон ҳамдир. Биз унинг қолишини истаймиз ва бунинг учун қўлимиздан келган барча ишни қиламиз. Кўрамиз, мавсум якунида нималар бўларкин”, - дейди Бак.

Эслатиб ўтамиз, 27 ёшли бельгиялик футболчи “Челси”да 2012 йилдан буён тўп суриб келмоқда. У ўтган давр мобайнида “аристократлар” сафида жами 310та баҳсда иштирок этган ва ўз ҳисобига 97та гол ҳамда 78та голли узатма ёздириб қўйишга эришган.