Chempionlarni munosib kutib olaylik!

Avval xabar berganimizdek bugun Osiyo chempionligini qo‘lga kiritgan O‘zbekiston olimpiya terma jamoasi yurtimizga qaytib keladi.

Berilgan ma’lumotlarga qaraganda milliy qaxramonlarimizni kutib olish marosimi "O‘zbekiston 24" telekanali orqali jonli efirda namoyish etiladi. 

Eslatib o‘tamiz, Ravshan Haydarov boshchiligidani terma jamoamiz bugun kech soat 23:50da Islom Karimov nomidagi Toshkent xalqaro aeroportiga kelib qo‘nishadi.

Ma’lum bo‘lishicha, soat 00.00 da ular chiqqan avtobus Aeroport terminal-3 (mahalliy), Bobur, Nukus, Afrosiyob, Sh.Rashidov, Navoiy ko‘chasi hamda A.Temur aylanmasi va O‘zbekiston mehmonxonasi bo‘ylab harakatlanadi!