Давлат Бобонов Жанубий Америка вакилини мағлуб этди

Венгрия пойтахти Будапешт шаҳрида дзюдо бўйича Жаҳон чемпионати давом этмоқда.

Бугунги кун дастуридан ўрин олган -81 кг вазн тоифасидаги спортчилар ўртасидаги баҳсларда ҳамюртимиз Давлат Бобонов пуэрто-риколик Фабиан Родригесга қарши гиламга кўтарилди.

Қизиқарли кечган баҳсда ҳамюртимиз рақибини вазаре эвазига мағлуб этган ҳолда, кейинги босқич йўлланмасини қўлга киритди.

“Б” гуруҳида баҳсларда иштирок этаётган спортчимизнинг кейинги рақиби эса бразилиялик Виктор Пенальбер бўлади.