Де Хеа: "Ливерпул"ни мағлуб этиш учун барча имкониятларни ишга соламиз

“Манчестер Юнайтед” дарвозабони Давид де Хеа бугун “Ливерпул”га қарши бўлиб ўтадиган ўйин олдидан ўз фикрларини билдириб ўтди.

“Бу Англиядаги энг катта ўйин. Бу клуб учун, футболчилар учун ва мухлислар учун алоҳида аҳамиятга эга. Унинг “Олд Траффорд”да ўтиши эса аҳамиятни янада оширади. Мен Испанияда бўлган пайтларим, у ерда доимо “эл-класико” ҳақида гапиришарди. Бу ерда эса “Манчестер Юнайтед” – “Ливерпуль” учрашувини худди шундай аташади.

Бугун машҳур жамоа майдонга иккита чиқади ва биз рақибни мағлуб этиш учун барча имкониятларни ишга соламиз”, - дейди испаниялик дарвозабон.

Эслатиб ўтамиз, "Манчестер Юнайтед" – "Ливерпуль" учрашуви бугун Тошкент вақти билан соат 19:05да бошланади.