Диего Симеоне: “Атлетико” мавсум якунида учинчи ўринни эгаллашга яқинроқ

Мадриднинг “Атлетико” жамоаси бош мураббийи Диего Симеоне “Депортиво”га қарши (1:1) Испания чемпионати 25-туридан кейин ўз фикрларини билдириб ўтди.

“Атлетико” мавсум якунида тўртинчи ўриндан кўра учинчи ўринни эгаллашга яқинроқ. Реалист бўлишимиз керак. Рақибнинг голи бизни қийин ҳолатга солиб қўйди. Яхшиямки Гризманн гол урди. Бу ўйинда ютишимиз ҳам, ютқазишимиз ҳам мумкин эди”, – деди аргентиналик мутахассис.

Айни дамда “Атлетико” 46 очко билан Ла Лигада 4-ўринни эгаллаб турибди. “Барселона” (57 очко), “Реал” (56) ва “Севилья” (55) мос равишда 1–3 ўринларни эгаллаб турибди.