Шомуродов жамоасида охирги имкон қолди!
Европа Лигасининг умумий босқич ўйинлари якунланишига яна битта тур қолди. Бу мусобақада иштирок этаётган ягона футболчимиз Элдор Шомуродовнинг “Рома”си еттинчи турни Нидерландияда ўтказди.
Клаудил Раньери шогирдлари “АЗ Алкмаар” жамоаси меҳмони бўлди ва ўйиннинг 80-дақиқасида мезбонлар томонидан киритилган ягона гол эвазига мағлубиятга учради.
Рим клуби бош мураббийи бу беллашувда Элдор Шомуродовни захирада олиб қолди ва ўзини кўрсатиш имконини бермади.
Ғалабадан кейин “АЗ Алкмаар” мусобақанинг плей-офф босқичида қатнашиш ҳуқуқини кафолатлади.
7-тур натижалари билан танишинг:
Галатасарой (Туркия) - Динамо (К, Украина) - 3:3
Бешиктош (Туркия) - Атлетик (Испания) - 4:1
Карабах (Озарбайжон) - ФКСБ (Руминия) - 2:3
Хоффенхайм (Германия) - Тоттенхэм (Англия) - 2:3
Фенербаҳче (Туркия) - Лион (Франция) - 0:0
АЗ (Нидерландия) - Рома (Италия) - 1:0
Порту (Португалия) - Олимпиакос (Греция) - 0:1
Мальме (Швеция) - Твенте (Нидерландия) - 2:3
Виктория (Чехия) - Андерлехт (Бельгия) - 2:0
Буде-Глимт (Норвегия) - Маккаби (ТА, Исроил) - 3:1
Манчестер Юнайтед (Англия) - Рейнжерс (Шотландия) - 2:1
Лацио (Италия) - Реал Сосьедад (Испания) - 3:1
ПАОК (Греция) - Славия (Чехия) - 2:0
РФШ (Латвия) - Аякс (Нидерландия) - 1:0
Айнтрахт (Германия) - Ференцварош (Венгрия) - 2:0
Эльфсборг (Швеция) - Ницца (Франция) - 1:0
Юнион (Бельгия) - Брага (Португалия) - 2:1
Лудогорец (Болгария) - Митьюлланд (Дания) 0:2
Умуман олганда, Европа лигасида мусобақани кейинги босқичда давом эттирадиган 15 та жамоа номи маълум бўлди. Булар – “Лацио”, “Айнтрахт” (Франкфурт), “Атлетик Бильбао”, “Манчестер Юнайтед”, “Лион”, “Тоттенхэм”, “Андерлехт”, “Стяуа”, “Галатасарой”, “Будё/Глимт”, “Виктория” (Пльзень), “Олимпиакос”, “Рейнжерс”, “АЗ Алкмаар” ва “Юнион” жамоаларидир.
Яна қолган тўққизта ўринга 14 та клуб даъвогарлик қилмоқда. “Аякс”, ПАОК, “Реал Сосьедад”, “Мидтьюлланн”, “Эльфсборг”, “Рома”, “Ференцварош”, “Фенербаҳче”, “Бешиктош”, “Порту”, “Твенте”, “Брага”, “Хоффенхайм” ва “Маккаби” (Тель-Авив) каби жамоалар кейинги босқич масаласини охирги турда ҳал қилади.
Ҳозирча, еттинчи турдан кейин 9 очко билан 21-ўринни эгаллаб турган “Рома” футболчилари охирги турда жиддий рақиб – мусобақа жадвалида иккинчи ўринда бораётган Германиянинг “Айнтрахт” жамоаси билан тўқнашади. Учрашув 30 январь куни Рим шаҳридаги “Олимпико” стадионида бўлиб ўтади.
Фикрлар