Дик Адвокат Голландия грандларидан бирини бошқариши мумкин

Голландиялик машҳур мутахассис Дик Адвокат "Фейеноорд" клубини бошқариши мумкин. Бу ҳақда Voetbal International нашри хабар бермоқда.

Унга кўра "Фейеноорд" раҳбарияти айнан 71 ёшли мураббийни ушбу лавозимга асосий номзод сифатида кўришмоқда. Айни дамда томонлар ўзаро музокараларни фаол олиб боришмоқда.

Таъкидлаш керакки, "Фейеноорд"нинг амалдаги бош мураббийи Жованни ван Бронкхорст мавсум якунлангач жамоадан кетишини эълон қилган эди.

Эслатиб ўтамиз, Адвокат айни дамда Голландиянинг “Утрехт” клуби бош мураббийи ҳисобланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)